Тоглоомын ертөнцөд хувьсал хийсэн олон бүтээл энэ жил 10 нас хүрч байна. Өнөөдрийг хүртэл үнэ цэнээ алдалгүй, тоглоом сонирхогчдын хайртай бүтээл хэвээр байгаа нь эдгээр тоглоомыг "классик" гэх тодотголтой болгож байгаа юм.
10. Assassin’s Creed IV: Black Flag
Хөгжүүлэгч: Ubisoft
2013 оны хамгийн их борлуулалттай тоглоомуудын нэг “Assassin’s Creed” 2020 оны байдлаар 15 сая хувь зарагдсан гэсэн үзүүлэлттэй байна.
9. Warframe
Хөгжүүлэгч: Digital Extremes
“Warframe” нээлтээ хийсэн эхний жилдээ төдийлөн амжилт олоогүй ч тоглогчдын зүгээс эерэг үнэлгээ авсан. Тоглогчид нь тогтмол өссөөр 2019 он гэхэд 50 сая бүртгэлтэй тоглогчтой болжээ.
8. Grand Theft Auto V
Хөгжүүлэгч: Rockstar
Алдарт “Grand Theft Auto” цувралын хамгийн сүүлд гарсан хувилбар нээлтээ хийгээд 10 жил болжээ. Фэнүүд нь “GTA6” хувилбарыг удаан хүлээж байна.
7. Tomb Raider
Хөгжүүлэгч: Crystal Dynamics
6. Dota 2
Хөгжүүлэгч: Valve
Шагналын сан нь 40 сая ам.доллар хүрч байсан “Dota 2” мөн адил энэ жил 10 нас хүрч байна. 2011 онд туршилтын хувилбараа танилцуулж байсан энэ тоглоом 2013 онд албан ёсоор нээлтээ хийж байсан юм.
5. The Last of Us
Хөгжүүлэгч: Naughty dog
Нээлтээ хийсэн эхний долоо хоногтоо нэг сая хувь зарагдсан “The Last of Us” тухайн жилдээ олон шагналын эзэн болж байсан. Бүх цаг үеийн шилдэг 10-т зайлшгүй ордог бэлгэ тэмдэг болсон тоглоомуудын нэг билээ.
4. Super Mario 3D World
Хөгжүүлэгч: Nintendo EAD Tokyo
“WiiU” болон “Nintendo Switch” дээр гарсан энэхүү хувилбар нь Марио франчайзын шилдгүүдийн тоонд ордог.
3. BioShock Infinite
Хөгжүүлэгч: Irrational Games
Дэлхий даяар 11 сая хувь борлогдсон энэ тоглоом Playstation 4, Xbox One, Nintendo Switch гээд бүхий л платформ дээр гарч байжээ.
2. Metal Gear Rising: Revengeance
Хөгжүүлэгч: PlatinumGames
1. Call of Duty: Ghosts
Хөгжүүлэгч: Infinity Ward
“Call of Duty” цуврал ямар их фэнтэйг тэдний ашгаас харж болно. “Ghosts” цуврал нь нээлтээ хийсэн эхний 24 цагт нэг тэрбум ам.долларыг олж байсан.
