1 мин

Индонез эмэгтэй гахайн мах идэж буй TikTok бичлэг оруулаад 2 жилийн хорих ял сонсжээ

Г.Сүрэн 2023.09.21 1 1 1

TikTok сүлжээнд 2 сая гаруй дагагчтай Индонезийн нөлөөлөгч Лина гэх эмэгтэй Балид аялах үедээ гахайн мах идэж буй бичлэг оруулаад хоёр жилийн хорих ял сонссон байна. Тэрээр Исламын мөргөлийн үгс уншаад шаржигнуур гахайн мах идсэн нь нийт шүтлэгтнүүдийн эгдүүцлийг хүргэж, шашныг доромжилсон хэмээн буруутгагджээ. 

Индонез нь Исламын шашинтай улс боловч Бали арлын хүн амын дийлэнх нь Хинду шашинтай байдаг аж. 33 настай эмэгтэйг 2 жилийн хорих ял болон 25 мянган ам.доллароор торгож, торгуулаа төлөхгүй бол гурван сарын хорих ял эдлүүлэхээр болжээ. 

Өнгөрсөн онд Мохаммед гэх бааранд архи сурталчилж байсан зургаан хүнийг Индонезийн цагдаа нар баривчлан хоёр жилийн хорих ял оноосон юм. Исламын шашинд архи уух, гахайн мах идэх, халал биш хоол идэх, мөрийтэй тоглох, худал хэлэх, хүн хөнөөх, хулгай хийх, залилан хийх, бусдыг дарамтлах, доромжлох, харамч байх, гэр бүлээ хууран мэхлэх, эцэг эхээ үл хүндэтгэх зэргийг хатуу хориглодог байна. 

Эх сурвалж: News.com.au

Г.Сүрэн 2023.09.21