1 мин

Монголын хөлбөмбөгийн лигийг "Булган Фалконс" клуб хожигдолгүй тэргүүлж байна

У.Чинзориг 2023.10.02

Монголын хөлбөмбөгийн Үндэсний Дээд лигийн долдугаар тойргийн тоглолтууд өнгөрсөн амралтын өдрүүд болон өнөөдөр үргэлжлэн явагдлаа.

Лигийг тэргүүлж буй "Булган Сп Фалконс" клуб энэ тойрогт "Хангарьд"-тай тоглож, 1:0-ээр ялалт байгуулав. Гэхдээ эл хожил тийм ч хялбар байсангүй. Учир нь С.Отгонцагаан 45+5 дахь минутад улаан хуудсаар торгуулснаар тэд тоглолтын хоёрдугаар хагаст хүн дутуу тоглосон. Гэсэн ч тоглолтын 16 дахь минутад оруулсан япон тоглогч Нагата Шояагийн гоол эл тоглолтын хувь заяаг шийдсэн юм.

Улмаар эхний долоон тоглолтодоо зургаа хожиж, нэг тэнцсэн "Булган Сп Фалконс" клуб 19 оноотойгоор Дээд лигийг тэргүүлж байна. Тэдний ард "Хоромхон" 15 оноотой яваа юм.

"Булган Сп Фалконс"-ийн хувьд, гагц тавдугаар тойрогт "Дэрэн"-тэй 0:0-ээр тэнцсэн билээ.