3 мин

Сонжоо: Таны гэр бүлд хандах хандлага, харилцааг гурван зургаар тодорхойлъё

О.Анхзаяа 2023.10.17 2 2 1

Энэхүү сэтгэлзүйн тестийг бөглөснөөр та өөрийнхөө тухай илүү ихийг олж мэдээрэй. Таны гүнд орших үл мэдэгдэм нууцлаг үнэнийг энэхүү сонжоогоор олж мэдээрэй.

Энэхүү гурван зурагт байгаа хүмүүсээс нэг нь жинхэнэ гэр бүл биш. Та алийг нь гэж бодож байна вэ?

Дараах гурван зургаас гэр бүл биш гэж бодож байгаа нэг зургийг сонгоорой.

Харин одоо хариуг хамтдаа харцгаая. 

1. Энэхүү зургийг сонгосон бол:

Та гэр бүл төвтэй хүн биш байх магадлал өндөр. Эсвэл аливаа уламжлалт гэр бүлийн харилцаанаас хол хөндий байх хандлагатай. Найз нөхдөдөө гэр бүл шиг хандаж, тэдэнд тусалж, тэднийг жаргалтай болгох дуртай. Хүмүүсийн амьдралд гэрэл гэгээ авчрах, сайхан зүйл хийх нь өөрт чинь хамгийн сайхан байдаг. Магадгүй эрэгтэй хүний хүчтэй нөлөө бүхий дүрийг харж өсөөгүй байх магадлалтай. Ямар нэг байдлаар гэр бүлийн харилцаанд аливаа зүйлээр дутагдаж байсан байх хандлагатай. Гэсэн ч та өөрөө хэн бүхний сэтгэл зүрхийг дүүргэхийг хичээж, хэрэгтэй хүн нь байхыг оролддог.

Энэхүү зурагт байгаа гэр бүл хамгийн аз жаргалтай гэр бүл биш хэдий ч гэр бүл мөн. Ээж нь хүүхдэдээ ихээхэн анхаарал хандуулж байгаа бөгөөд эцэг нь хүүхдээ үл хайхарсан шинжтэй харагдаж байна. 

2. Энэхүү зургийг сонгосон бол:

Та гэр бүл төвтэй, эсвэл өөрийн гэр бүлийг бүрэн бүтэн байлгах тал дээр ихээхэн анхаарч буй хүн гэж ойлгож болно. Магадгүй танд гэр бүлээс чинь илүү чухал зүйл гэж үгүй биз ээ. Та маш тогтвортой, амар амгалан урт удаан харилцааг эрхэмлэж, итгэл найдвар өгч, хичээл зүтгэл гаргадаг. Гэр бүлийн хэрэгцээгээ нэгт тавих бөгөөд өөрийгөө ч үл тоож, бусдыг жаргалтай байлгах дээр анхаарч чадах хүн юм. 

Та энэхүү зураг дээрх хүмүүс гэр бүл биш гэдгийг шууд анзаарсан нь лавтай. Насанд хүрэгчид хүүхдэд огт анхаарал хандуулахгүй байгаа бөгөөд хүүхэд ч мөн тэдний гараас атгаж, хамт байхаар оролдоогүй байгааг харж болно. Магадгүй хэсэг бүлэг үл таних хүмүүс хамтдаа алхаж байна хэмээн ойлгож болох. Гэр бүл төвтэй хүн үүнийг нэн түрүүнд анзаарч хардаг байна. 

3. Энэхүү зургийг сонгосон бол:

Хэрэв та энэ зураг дээрх хүмүүс гэр бүл биш хэмээн сонгосон бол бүрэн бүтэн, эрүүл харилцаа бүхий гэр бүлд өсөөгүй байх магадлал өндөр. Бага насандаа гүн гүнзгий айдас мэдэрч, траума авсан, эсвэл бусад хүнд итгэх итгэл тун бага байх хандлагатай. Та санаа зовомтгой бөгөөд бусадтай харилцах нь зарим талаараа ихээхэн хүндрэлтэй байдаг. Мөн ирээдүйн тухай санаа зовж, маш их зүйлийг ургуулан бодох нь олонтаа. 

Энэ зураг дээрх хүмүүс бол ойр дотно, аз жаргалтай гэр бүл. Энэ бол жинхэнэ гэр бүл бөгөөд ихээхэ нойр дотно байдал нь шууд мэдрэгдэнэ. Бүрэн бүтэн, аюулгүй гэр бүлд өсөөгүй тохиолдолд аливааг харах нь бусдаас өөр болдог бөгөөд эрүүл, бат бөх харилцаанд ч эргэлзээ төрдөг. Та бат бөх гэр бүлийн харилцаа их байдаггүй хэмээн боддог бөгөөд энэ гэр бүлийг хуурамч хэмээн сонгосон нь энэ бүхэнтэй холбоотой.

Та аль гэр бүлийг хуурамч хэмээн сонгосон бэ? Та зөв тааж чадсан уу?

О.Анхзаяа 2023.10.17