Хятад улсад сүүлийн жилүүдэд "хайрын" гэх өвөрмөц тодотголтой даатгалын үйлчилгээ олны анхаарлыг татах болжээ. 99 юаниас 495 юанийн төлбөрийн сонголттой уг даатгалд хамрагдсан хос 3-10 жилийн дотор гэрлэвэл хайр сэтгэлийг нь урамшуулан өндөр дүнтэй төлбөр олгох заалттай гэнэ.
Тэгвэл Лю Шиаомин гэх хятад залуу 2018 онд дунд ангиасаа үерхсэн найз бүсгүйдээ гэнэтийн бэлэг барихаар уг даатгалд хамрагдсан ч 2022 онд хоёр тийш болжээ. Ингээд бүх болзлыг нь биелүүлсэн тул төлбөрөө авах гэтэл даатгалын компаниас "Хайр сэтгэлийг даатгадаггүй" хэмээн олгохоос татгалзсанд залуу шүүхэд хандсан аж.
Улмаар шүүхээс даатгалын компанийн буруу болохыг тогтоон залуугийн 495 юаниар хамрагдсан даатгалаас нь 9995 юан буюу 14 мянган ам.долларын нөхөн төлбөрийг олгуулсан байна.
Хятадын энэхүү өвөрмөц "Хайрын даатгал"-д өнөөг хүртэл 15 мянга гаруй хос хамрагдаад байгаа гэнэ.
Эх сурвалж: SCMP
