1 мин

Хүүхдийн сэтгэл засалчид Японд туршлага судаллаа

Японы Засгийн газраас уг сургалтад сэтгэцийн эмч нарыг олноор нь хамруулахаар төлөвлөжээ.

Ub.life 2024.02.08

Монгол Улсын Сэтгэцийн эрүүл мэндийн үндэсний төв АШУҮИС-ийн Сэтгэцийн эрүүл мэндийн тэнхим, Хүүхдийн анагаахын тэнхим, МУБИС-ийн Сэтгэл судлалын тэнхим Япон улсын Нагояагийн их сургуулийн Хүний хөгжил, сэтгэлзүйн дэмжлэг, судалгааны төвтэй хамтран зургаан сарын хугацаанд “Хүүхдийн сэтгэцийн эмч бэлтгэх хөтөлбөр”-ийг хэрэгжүүлж байгаа юм. Хөтөлбөрийн эхний сургалт Японы Нагояагийн их сургуульд энэ оны нэгдүгээр сарын 22-ноос хоёрдугаар сарын 3-ны хооронд боллоо. Монгол, Японы эрдэмтэн багш нар удирдсан уг сургалтад СЭМҮТ-өөс сэтгэцийн эмч Т.Саранцэцэг, Х.Эрхцэцэг, М.Уянга, Э.Мягмарцэрэн, О.Батчимэг нар хамрагдлаа.

Тэд Нагояагийн их сургуулийн сэтгэлзүйн төв, Айчи мужийн сэтгэцийн эмнэлэг, Кание хотын цэцэрлэг, бага сургуулийн үйл ажиллагаатай танилцан туршлага судалсан байна. Хөтөлбөрийн хүрээнд зохион байгуулж буй мэргэжил дээшлүүлэх сургалтын дүнд хүүхдийн сэтгэцийн эрүүл мэндийн тусламж үйлчилгээг сайжруулах боломж бүрдэнэ гэж үзэж байгаа юм. Япон улсын Засгийн газраас уг сургалтад сэтгэцийн эмч нарыг олноор нь хамруулахаар төлөвлөж байна.