1 мин

Инстаграмын мессежээ засах, уншсан эсэхээ нуух боломжтой боллоо

Ub.life 2024.03.06

Мета компани инстаграмын DM буюу шууд мессеж илгээх хэсэгт гурван үндсэн өөрчлөлт хийхээр болсон тухайгаа зарлалаа. Тодруулбал, тун удахгүй бичсэн мессежээ засах, зарим чатыг пин хийх, мессеж уншсан эсэх тохиргоог өөрчлөх боломжтой болж байна.

Инстаграмын хэрэглэгчид мессеж илгээснээс хойш 15 минутын дотор зурвасаа засварлах боломжтой болох гэнэ. Харин хүлээн авч уг мессежийг зассаныг харах боломжгүй юм байна.

Мөн хэрэглэгчид гурав хүртэлх чатыг пин хийж инбоксын хамгийн эхэнд харагдуулах тохиргоо шинээр нэвтэрчээ.

Үүнээс гадна мессежийг уншсан эсэхийг "нуух" боломжтой болжээ. Хэрэглэгч хүсвэл энэ тохиргоог тодорхой нэг хүн дээр эсвэл харилцдаг бүх хүн дээр идэвхжүүлж болох аж.