1 мин
Г.Өсөхбаяр аваргын хүү сүмо бөхийн анхны даваагаа давлаа
М.Сугар-Эрдэнэ
4 
3 
1 
Мэргэжлийн сүмо бөхийн Хаврын тэмцээнд Дархан аварга Г.Өсөхбаярын хүү Ө.Дэмиджамц Сэйхакүхо маэзүмо барилдаанд орж, 2 давсан билээ.
Өнөөдөр маэзүмод эхэлж 2 давсан долоон бөхийг дохён дээр ёслолын мавашитай гаргаж, үзэгчдэд танилцууллаа. Манай бөх Миягино буюу Хакүхо багшийнхаа мавашитай гарсан юм. Чонын зураг, Монгол, Японы далбаатай ёслолын маваши байлаа. Ёслолын дараа Ө.Дэмиджамц “Багшийнхаа гоёлын мавашитай гарч, нэг талаас сандарч, нөгөө талаас баяртай байлаа. Монголд чонотой учрахад сайн зүйл тохиолддог гэдэг. Хэзээ нэгэн цагт өөрийн ёслолын мавашитай болохын төлөө хичээнэ. Багшдаа 2 жилийн дотор цолтой болно гэж амалсан” гэж сэтгүүлчдэд ярьжээ.
Ө.Дэмиджамц 2000 оны наймдугаар сарын 24-нд төрсөн. 192 см өндөр, 127 кг жинтэй. 2016 онд Японы Тоттори жёохокү сургуульд элсэж, манай сонирхогчдын сүмогийн алдарт мэргэжилтэн Р.Гантөгс багш дээр хичээллэсэн. Дошишя их сургуулийн сүмо бөхийн багт байхдаа Бүх Японы аварга шалгаруулах оюутны тэмцээнд оролцож, Каназавагийн тэмцээнд түрүүлж байсан.
Хамгийн их уншилттай 
холбоотой мэдээ 
санал болгох 
Сэтгэгдэл бичих (0)
У.Чинзориг
О.Анхзаяа