1 мин

Энэ жил Оросын хоккейчид Монголд ирэхгүй

М.Сугар-Эрдэнэ 2024.03.17 2

ОХУ-ын хоккейн КХЛ лигийн тэргүүн Алексей Морозов хэвлэлийн бага хурал дээр гадаадад хийх тоглолтын талаарх асуултад хариуллаа. КХЛ лигийн багууд хамгийн сүүлд гадаадад тоглосон нь 2021 оны Дубай дахь тоглолт байлаа.

-2024 оны хавар КХЛ лигийн багууд Монголд тоглолт хийнэ гэж байсан. Яагаад болив?

-Энэ жил бид Монголд очихгүй. Багуудын төсөвт Монгол явах зардал суугаагүй байсан. Их хол нисэж очих газар шүү дээ. Бид хүлээн авагч талтай холбогдсон ч монголчууд зардлыг даах боломжгүй гэж мэдэгдсэн. Тэд зөвхөн Монголд байх зардлыг л даахад бэлэн гэсэн. Харин манай багууд тийм их зардал гаргахад бэлэн бус байлаа. Ирэх улирал энэ төслийг дахин хэлэлцэнэ. Монголчуудтай хийсэн яриа хүчинтэй хэвээр байгаа. Бид Монголын Мөсөн өргөөг шалгаж үзсэн.

-Монголд хоёр баг очоод улирлын тоглолтоо хийнэ гэсэн үг үү?

-Лигийн тоглолт биш, нөхөрсөг, үзүүлэх тоглолт хийж болно. Монголчууд хүлээн авах сонирхолтой байгаа. Бид багуудтай ярилцах болно.

-Өөр ямар оронд үзүүлэх тоглолт хийж болох вэ?

-Узбекистантай мөн ярилцаж байгаа. Тэндхийн ордон боломжийн сайхан. Мөн л ирэх жилийн асуудал. Хамгийн гол нь манай клубуудад гадаадад тоглох ашиг сонирхол байх ёстой.

М.Сугар-Эрдэнэ 2024.03.17