1 мин

Хосууд пүрэв гарагийн оройн 8 цагт хамгийн их маргалддаг

Г.Сүрэн 2024.04.05 1

АНУ-ын Техасын Их сургуулийн судлаачид 3 мянга гаруй насанд хүрэгчдэд явуулсан судалгаандаа үндэслэн сонирхолтой тоон баримтуудыг танилцууллаа. Хамт амьдардаг хосууд жилд дунджаар 312 удаа том жижиг хэмжээнд маргалддаг, тэр дундаа пүрэв гарагийн оройн 8 цагт хамгийн их амь мурийх магадлалтай байдаг гэнэ. 

Хосуудын маргалдах хамгийн том үндэслэл нь эрчүүдийн үйлдэлд дургүйцсэн эмэгтэйчүүдийн гомдол бухимдлаас үүддэг болохыг ч онцолжээ. Нойлын гэрлээ унтраахгүй байх, эд зүйл бохирдуулаад цэвэрлэлгүй орхих зэрэг жижиг үйлдлүүд эмэгтэйчүүдийн дургүйцлийг хамгийн их төрүүлдэг байна. Харин эрчүүд эмэгтэйчүүдийн гарах гэж хэтэрхий удах, удаан хүлээлгэх, байнга гомдоллох, юм хийхийг албадах зэрэг үйлдэлд хамгийн их дургүйцдэг болохоо илэрхийлжээ. 

Хосуудын маргаан хамгийн их өрнөдөг гэрийн хэсэг гал тогооны өрөө бөгөөд гал зуухны ариун цэврийн асуудлаас болж жижиг том маргаан дэгддэг аж. Судалгаанд оролцогчдоос хамтрагчаасаа харилцаагаа тасалсан хүмүүсийн тавны нэг нь төвөгтэй, ядаргаатай дадал зуршлаас нь болж салсан гэжээ. 

Эх сурвалж: Dailymail

Г.Сүрэн 2024.04.05