1 мин

Нэрт эрдэмтэн Жэйн Гудоллын 90 насны ойг тохиолдуулан 90 эмэгтэй гэрэл зурагчны бүтээлийг дэлгэжээ

Ub.life 2024.04.05

Алдарт приматологич, амьтан судлаач Жэйн Гудоллын 90 насны ой лхагва гарагт тохиолоо. Энэхүү тэмдэглэлт үйлд явдлыг тохиолдуулан 90 эмэгтэй гэрэл зурагчин бүтээлээ 90 хоногийн турш олонд дэлгэж, худалдаалахаар болсон байна.

Дөрөвдүгээр сарын 1-нээс эхэлсэн "Итгэл найдварын мөн чанар: Жэйн Гудоллын 90 жил" аяны хүрээнд одоогоор 31 зураг худалдаанд гараад байгаа ба долоо хоног бүр нэмж 10 уран бүтээлчийн зургийг дэлгэх гэнэ. Эндээс олсон ашгийн 60 хувийг шимпанзе болон тэдний амьдрах орчныг хамгаалах чиглэлээр ажилладаг Жэйн Гудоллын санд хандивлах аж.

"Бид Жэйн Гудоллын ер бусын амьдрал, үлдээж буй өвийг тэмдэглэхдээ түүний этологийн салбарт хийсэн шинэлэг ажлыг нь хүндэтгээд зогсохгүй дэлхийн өнцөг булан бүрд байгаа эмэгтэйчүүдэд урам зориг өгөхийг хүссэн. Жэйн Гудолл хүн ба амьтдын хоорондын харилцааны талаарх бидний ойлголтыг дахин тодорхойлохоод зогсохгүй эмэгтэйчүүдэд тулгардаг саадыг эвдэж, шинэ үүд хаалга нээж өгсөн" гэж "Vital Impacts"-ийг үүсгэн байгуулагч, National Geographic сэтгүүлийн гэрэл зурагчин Ами Витале ярьжээ.