1 мин
Ёшики Тайванийн газар хөдлөлтийн хохирогчдод хандив өргөлөө
Японы алдарт хөгжимчин, домогт X Japan хамтлагийн ахлагч Ёшики Тайваньд болсон газар хөдлөлтийн хохирогчдод зориулан, 10 сая иэнийн хандив өргөжээ.
Түүний “YOSHIKI FOUNDATION AMERICA” байгууллагаас Тайванийн Улаан Загалмай нийгэмлэгт мөнгө шилжүүлсэн бөгөөд Ёшики “Би Тайваньд олон тоглолт хийж байсан. Миний зүрх өвдөж байна. Аз жаргалтай, тайван амгалан өдрүүд хурдан ирээсэй гэж хүсэж байна” гэж мэдэгдсэн байна.
Ёшики өмнө нь Техас мужид болсон хар салхи, Амазоны ойн түймрийн хохирогчдод хандив өгөж байсан юм.