Хонконгод болж байгаа Парис-2024 олимпын наадмын эрхийн төлөөх 3x3 сагсан бөмбөгийн тэмцээнд манай эмэгтэй шигшээ эхний тоглолтоо хийлээ.
Манай баг энэ тэмцээнд Б.Ариунцэцэг, М.Цэрэнлхам, О.Хулан, Ө.Индра нарын бүрэлдэхүүнтэй тоглож байгаа. Эхний оноог манай шигшээ авсан ч тоглолт цаашаа Нидерландын тэргүүллээр өрнөлөө. Монголын баг 3-4 тэргүүлж эхэлсэн ч дараалан 14 оноо алдаж,тооны харьцаа нэг мэдэхэд 17-4 болсон байлаа. Б.Ариунцэцэгийн холын шидэлтээр 17-6 болгосон ч өндөр нуруутай голландчуудыг яаж ч чадсангүй. Самбар дор голланд бүсгүйчүүд илүүрхэж, манай баг тэднийг зогсоох гэж алдаа гаргасаар тоглолт өндөрлөлөө. Манай багаас Б.Ариунцэцэг, Ө.Индра нар тус бүр гурван оноо авчээ.
Манай хэсэгт байгаа Азербайжаын шигшээ Чилиг 17-14 буулган авсан байна.
Маргааш манай баг хоёр тоглоно. 15:55 цагаас Азербайжан, 17:20 цагаас Чилийн багтай өрсөлдөнө.
