Шави Алонсо "Леверкузен"-ийг Бундес лигт анх удаа түрүүлгэлээ
1963 оноос эхлэлтэй Германы хөлбөмбөгийн дээд лиг болох Бундес лигийн аваргаар "Леверкузен" анх удаа тодорлоо. Ням гарагт "Вердер Бремен"-ийг хожсоноор тэд Бундес лиг өндөрлөхөөс таван тойргийн өмнө аваргын баяраа тэмдэглэв.
"Леверкузен" клуб Бундес лигт 11 жил дараалан түрүүлсэн "Байерн"-ы ялгуусан цувралыг зогсоолоо. Бундес лигийг таван ч удаа дэд байраар өндөрлүүлсний эцэст ийнхүү анхны цомоо өргөж байна, тэд.
Мөн тус клубийн энэ улирал дахь хожигдолгүй цуврал 43 тоглолтод хүрэв. Тэд үргэлжлүүлэн Германы цомын тэмцээн мөн Европа лигт түрүүлэхийн төлөө тоглоно.
Одоогоор Европын топ таван лигт ганцхан баг хожигдолгүй байгаа нь "Леверкузен". Шави Алонсогийн дасгалжуулагчийн карьеер дахь анхны улирал. Түүнийг энэ амжилтад хүрнэ гэж хэн ч тааварлаагүй. Тиймээс түүний хүрсэн ялгуусан амжилт бол ид шид, зүгээр л гайхамшиг юм.