Алла Пугачева замналынхаа турш хэдэн сая доллар олсон бэ?
Украины дайн эхэлснээс хойш ОХУ-д Алла Пугачеваг шүүмжлэх явдал ихэссэн. Дайныг эсэргүүцэж байгаагаа ил тод илэрхийлсэн түүнийг энэ боломжийг ашиглаад унагаад авахыг хүсэгчид олон байгаа. Гэвч Алла бол Алла. Түүнийг эх орондоо эргэн ирэхийг хүссэн, шүтэн бишрэгч хэдэн арван сая бий. Алла Борисовна Пугачева саяхан 75 насны ойгоо тэмдэглэсэн. Ойн баяраар нь сэтгүүлчид түүнийг замналынхаа турш хэр орлоготой ажилласныг тооцоолон гаргажээ.
Алла үргэлж мөнгөтэй баян байсан. Хуучин ЗХУ-ын үед ч тэр тансаг сайхан амьдарч байлаа. Forbes сэтгүүл Пугачеваг 2005-2015 онд арван жилийн хугацаанд 41.5 сая ам.долларын орлого олсон гэж тооцоолон гаргасан байна. Алла мөнгөө бизнест оруулдаг. Гэхдээ “шатаж” байсан үе олон тохиолдсон. Үл хөдлөх хөрөнгө, барилгын салбарт нэлээд зүтгэсэн. Зөвхөн Москва хотод гэхэд хотын төвд 5 байр, хотын ойролцоо гурван харштай (Грязь тосгонд тэрбумын үнэтэй цайз бий), мөн түрээсийн хэд хэдэн байртай.
Forbеs сэтгүүлийн шинжээчид үл хөдлөх хөрөнгийг нь оролцуулаад Аллаг амьдралынхаа турш 150 сая ам.долларын орлого олсон гэж дүгнэжээ. Одоо Алла нөхөр, хүүхдийн хамт Израйл, Кипрт амьдарч байна. Тэрээр 75 насны ойгоо Кипрт 160 зочинтой нүсэр тэмдэглэх гэж байгаа гэнэ.
Ойгоороо Алла "Жизнь слишком хороша" гэдэг шинэ гаргасан байна.