Криштиано Роналду цар тахлын үеийн цалингаа нөхөж авахаар заргалдаад яллаа
Криштиано Роналду "Реал Мадрид"-аас явсныхаа дараахан Италийн "Ювентус" клубт гурван улирлыг өнгөрүүлсэн билээ.
Италийн шүүхээс "Ювентус" клубийг Криштиано Роналдуд 8,3 сая фунт стерлингийн нөхөн төлбөр олгох шийдвэр гаргажээ. Учир нь цар тахал дэгдсэнээр энэхүү маргаан үүсэх эхлэл тавигдсан. Роналдугийн зүгээс тухайн үеийнхээ цалинг нөхөн авахаар шүүхэд хандсан юм.
Тэрбээр хуучин багаасаа 17 сая фунт стерлингийн цалинг нэхэмжилсэн ч, Арбитрын шүүхээс татвар болон бусад шимтгэлийн хасагдсан дүнгээр түүнд 8,3 сая фунт стерлингийг төлүүлэхээр шийдвэрээ гаргажээ.
Роналду 2018-2021 оны үеэр Италийн "Ювентус"-т гурван улирал тоглож, Сери А лигт хоёр удаа түрүүлсэн. Тэрбээр дэлхийн шилдэг тоглогчид олгодог "Алтан бөмбөг" шагналыг таван удаа гардсан. Мөн Америкийн бизнесийн сэтгүүл Форбесээс түүнийг 2023 онд 109 сая фунт стерлингийн орлогыг халаасалсан хэмээн тооцоолж, дэлхийн хамгийн өндөр орлоготой тамирчнаар нэрлэсэн юм.