1 мин

Б.Эрхэмбаяр жүдо бөхийн Азийн АШТ-д түрүүллээ

У.Чинзориг 2024.04.20

Жүдо бөхийн Азийн АШТ 4-р сарын 20-22-ний өдрүүдээр Хонгконгд зохион байгуулагдаж байна. Өнөөдөр хөнгөн жингийн барилдаанууд явагдлаа.

Монголын бөхчүүдээс 66 кг-д зодоглосон Баттогтохын Эрхэмбаяр, Японы залуу тамирчин Хаттори Шинсейг нэмэлт цагт торгуулиар ялж, ийнхүү Ази тивийн аваргаар тодорлоо.

Тэрбээр Их дуулга ангиллын нэг алт, хошой мөнгө, гурван хүрэл медальтай тамирчин билээ.

Ийнхүү Монголын бөхчүүд Азийн АШТ-ээс одоогоор хоёр алт, хоёр хүрэл медалийг зүүгээд байна.

48 кг-д Б.Баасанхүү түрүүлсэн бол 60 кг-д Б.Цогт-Очир, 52 кг-д Л.Сосорбарам нар хүрэл медаль хүртээд буй юм. Тун удахгүй 57 кг-д Л.Энхрийлэн алтан медалийн төлөө барилдана.

У.Чинзориг 2024.04.20