1 мин
Б.Хорлоодой жүдо бөхийн Азийн АШТ-д түрүүллээ
Жүдо бөхийн Азийн АШТ 4-р сарын 20-22-ний өдрүүдээр Хонгконгд зохион байгуулагдаж байна. Өнөөдөр хөнгөн жингийн барилдаанууд явагдлаа.
АНЭУ-аас барилдсан "Ханжоу 2022" Азийн наадмын үзүүр бөх Б.Хорлоодой 52 кг-ын жинд түрүүлэв. Тэрбээр финалд Японы Кокоро Фүжиширог үүрэх мэхээр цэвэр ялснаар Азийн аваргаар тодорлоо.
Б.Хорлоодой АНЭУ-ын өмнөөс гурав дахь медалиа хүртсэн нь энэ.
Харин Монголын баг, тамирчид Азийн АШТ-ий эхний өдрийг гурван алт, хоёр хүрэл медальтайгаар өндөрлүүллээ.