Ринг-гёрлийн өгзгийг өшиглөөд хөөгдсөн тулаанч
ОХУ-ын холимог тулааны Hardcore FC холбооны бараг тэмцээн болгон ямар нэг хэрүүл маргаантай болдог. Хамгийн сүүлийн тэмцээн ч ялгаагүй зүйл боллоо.
Энэ сарын 19-нд Москвад болсон Hardcore MMA тэмцээний гол тулаан нь Ираны Али Хейбати, Аркадий Осипян нарын тулаан байлаа. Тулаан эхлэхээс өмнө тамирчдын нэрсийг зарлаж байхад Али Хейбати хажуугаар нь “1 үе” гэсэн самбар бариад зөрж явсан ринг-гёрлийн өгзөг рүү өшиглөж орхилоо. Бүсгүй эргэж харан, хэдэн үг хэлсэн ч яг тэр үед шүүгч нар тулааныг эхлүүлсэн юм. Тэмцээний дараа түүнийг бүсгүйгээс уучлал гуйхыг шаардахад татгалзан “Торон доторх том өгзөгтэй хүүхэнд дуртай хүн болгон миний талд байгаа” гэж байв. Гэвч лигээс түүнд шийтгэл оноосон. Эхлээд энэ тулаанд иран тамирчны авах ёстой байсан мөнгийг өшиглүүлсэн бүсгүйд шилжүүллээ. Харин дараа нь Али Хейбатиг тус холбоонд тулалдах эрхийг нь насан туршид нь хассан байна.