Лионел Месси хамгийн цөөн тоглолтод 830 гоол оруулсан хөлбөмбөгчин боллоо
Ням гарагийн өглөө Америкийн "МЛС" лигийн хүрээнд явагдсан "Интер Майами" болон "Нашвилл" клубүүдийн тоглолтод Лионел Месси хоёр гоол оруулж, Серхио Бускетэд гоолын дамжуулалтыг өгч гялалзав. Мөнхүү тоглолтод баг нь 3:1-ээр хожсон юм.
Серхио Бускетсийн хувьд, Америкийн багийн төлөө анхны гоолоо оруулсан нь энэ.
Мессигийн хувьд, карьерийнх нь 1056 дахь тоглолт энэ байсан агаад тэрбээр энэ үдэш 829, 830 дахь гоолуудаа оруулсан. Улмаар хамгийн цөөн тоглолтод 830 гоолыг оруулсан хөлбөмбөгчин боллоо. Криштиано Роналду түүнээс даруй 100-гаар олон тоглолтод оролцож энэ тооны гоолыг оруулсан байдаг.
Уг тоглолтод хожсон "Интер Майами" клуб Дорнод бүсийн хүснэгтийг тэргүүлж байна.
Месси энэ улирал эхэлнээс хойш есөн тоглолтод оролцохдоо 9 гоол оруулж, 5 гоолын дамжуулалтыг өгөөд байна.