1 мин

Б.Очирваань дэмждэг багийнхаа тоглолтыг дэргэдээс нь үзэхийн тулд унадаг дугуйгаар 11 сар аялжээ

У.Чинзориг 2024.04.22 3 2

Өчигдөр орой Английн ФА цомын хагас шигшээ тоглолт явагдаж, "Ковентри Сити" болон "Манчестер Юнайтед" багуудын өрсөлдөөн 3:3-аар тэнцэн, улмаар торгуулийн цохилтоор Улаан чөтгөрүүд хожсон билээ.

Эл тоглолтыг үзэхийн тулд Монголоос унадаг дугуйгаар аялж, Лондон хот хүртэл 11 сарын хугацааг зарцуулсан Б.Очирваанийн баатарлаг аялалыг Английн хэвлэлүүд онцолж байна. Дэмждэг багийнхаа тоглолтыг дэргэдээс нь үзэхийн туулсан түүний адармаатай аялалын түүх олон хүний сэтгэлийг эзэмджээ.

Тэрбээр аялалынхаа туршид Хятад, Казахстан, Узбекистан, Азербайжан, Иран, Турк, Грек, Болгар, Македони, Косово, Монтенегро, Босни, Хорват, Унгар, Словак, Австри, Герман, Франц зэрэг улсуудаар дугуйтайгаа дамжин өнгөрчээ.

Б.Очирваанийн аяллын түүхийг BBC болон Английн хэвлэлийн томоохон сайт, сонингууд хуваалцжээ.

У.Чинзориг 2024.04.22