1 мин

Бернардо Силва бяцхан хөгжөөн дэмжигчид өмсгөлөө дурсгалаа

У.Чинзориг 2024.04.22

2021 онд явагдсан Аваргуудын лигийн тоглолтын үеэр Месси, Неймар, Мбаппе нар талбай дээр байсан атал нэгэн бяцхан хүү гагц Бернардо Силваг зорьж, түүнээс өмсгөлийг нь гуйж байв. Энэ нь бяцхан дэмжигч хүү түүний найрсаг занд итгэснийх биз ээ. Үнэхээр ч тэр хүү санасандаа хүрч, Бернардогийн өмсгөлийг дурсгал болгон авч байсан.

Гэхдээ Бернардо Силвагийн хувьд, энэ нь цорын ганц өгөөмөр үйлдэл биш юм.

Өнгөрсөн бямба гарагт явагдсан ФА цомын тэмцээний хагас шигшээ тоглолтод Бернардо Силва "Челси"-гийн эсрэг хожлын гоол оруулсан билээ. Тоглолтын дараа тунел рүү явах замаараа үзэгчдийн суудал руу дөхөж, бяцхан дэмжигч хүүд өмсгөлөө дурсгасан нь мөн л Бернардо Силва байсан юм. 

Түүнийг "Манчестер Сити"-гийн чимээгүй баатар хэмээн үнэлэх нь ч бий. Хэдийгээр өнгөрсөн долоо хоногт явагдсан Аваргуудын лигийн тоглолтод "Реал Мадрид"-ын эсрэг торгуулийн цохилт алдсан ч Бернардогийн хувьд, "Сити"-гийн чухал тоглогч гэдгээ "Челси"-гийн хаалганд оруулсан хожлын үнэ цэнтэй гоолоороо нотолсон юм.

У.Чинзориг 2024.04.22