1 мин
Г.Алтанбагана жүдо бөхийн Азийн АШТ-ээс мөнгөн медаль хүртлээ
Жүдо бөхийн Азийн АШТ Хонгконгд гурав дахь өдрөө үргэлжилж байна. Өнөөдөр татамид хүнд жингийн барилдаанууд явагдлаа.
Монголын бөхчүүдээс 90 кг-ын жинд зодоглосон 2018 оны Азийн наадмын үзүүр бөх Гантулгын Алтанабагана мөнгөн медаль хүртэв.
Тэрбээр финалд Японы Санширо Мүраотой барилдаж, цэвэр ялагдсан юм.
Г.Алтанабаганы хувьд, 2022 оны Азийн АШТ-ий хагас шигшээд мөн л Санширо Мүраод ялагдан хүрэл медальтай ирж байсан бол энэ удаад амжилтаа ахиулан мөнгөн медаль зүүлээ.