Насанд хүрээгүй сүмочтой архи уусан Ооносато сануулга авав
Японы сүмо бөхийн холбооноос насанд хүрээгүй залуу бөхтэй хамт архи уусан хэргээр дээд зиндааны Ооносатод хатуу сануулга оноосон талаар мэдээллээ.
Өнгөрсөн жилийн есдүгээр сард Ооносато Нишёоносэки дэвжээндээ залуу сүмочтой хамт архи уусан гэнэ. Гэхдээ насанд хүрээгүй гэдгийг нь мэдэж байжээ. Үүнийг сонссон Нишёоносэки (ёкозүна Кисэносато) ояката бөхчүүдээ загнаж, бас шийтгэсэн гэнэ. Яаж шийтгэсэн нь тодорхой бус. Ингээд ояката Сүмо бөхийн холбоонд мэдэгджээ. Мэдэгдэхгүй бол юу болж байгааг Хакүхогийн жишээн дээр яруу тод харсан тул мэдээлэх нь аргагүй. Гэхдээ есдүгээр сард болсон хэргийн талаар хэзээ мэдээлсэн нь бас тодорхой бус.
Ингээд сүмо бөхийн холбооноос Ооносато болон түүнийг хүмүүжүүлж чадаагүй ояката Нишёоносэки (ёкозүна Кисэносато) нарт хатуу сануулга өгчээ.
Зочин 2024.04.23 2405:5700:301:c0b4:b82f:bc5a:166d:f068
Эр улс дарвиад л уугаа л биздээ. Манай нөгөө гонжгорын хажууд бага хэрэг.
0 0 Хариулах