1 мин

Шави бодлоо өөрчилж, "Барселона"-гийн дасгалжуулагчаар үргэлжлүүлэн ажиллана

У.Чинзориг 2024.04.25

Нэгдүгээр сард мэдэгдэл гаргаж, энэ улирлын төгсгөлд ажлаа хүлээлгэн өгнө гэдгээ зарласан Шави бодлоо өөрчилжээ.

"Барселона"-гийн ерөнхийлөгч Жоан Лапорта түүнийг үлдэхийг хүссэн тул Шави ирэх улиралд ч мөн "Барселона"-гийн дасгалжуулагчаар үргэлжлүүлэн ажиллах болзлыг хүлээн зөвшөөрчээ.

Түүний гэрээ 2025 оны 6-р сар хүртэл үргэлжилнэ.

44 настай Шави 2021 оны арваннэгдүгээр сард Катарын "Аль Садд" багийг орхисныхоо дараагаас "Барса"-д дасгалжуулагчаар ажиллах болж, 2022-23 оны улиралд буюу "Барса"-г бүтэн удирдсан анхны улиралдаа Испанийн Ла лигт түрүүлгэсэн.

Тэд ням гаригт "Реал Мадрид"-ын талбайд зочилж, 3:2-оор хожигдохоосоо өмнө Ла лигийн дараалсан 10 тоглолтод хожигдоогүй байсан юм.

Хэрвээ Шави 2024-25 оны улирлын төгсгөлд багаа сайжруулж чадахгүй бол "Барселона" клубийн удирдлагууд Пеп Гуардиола, Луис Энрике, Микел Артета зэрэг өндөр түвшний дасгалжуулагчдын аль нэгийг багтаа авчрахаар ятгах бололтой.