Бүсгүйчүүдийн краш Ма Дон Сок ирэх сард хуримаа хийнэ
Марвелийн дүр, азиудын бахархалт жүжигчин Ма Дон Сок "Еэ Жон Хва" гэх жүжигчин бүсгүйтэй үерхээд 8 жил болж байгаа юм. Тэд 17 насны зөрүүтэй бөгөөд нэгэн ярилцлагадаа "Бид жил хуримаа хийхийг хүссэн ч завгүй цагийн хуваариас болж хойшлуулсаар л байна" гэж байсан. Тэгвэл тэдний хүсэн хүлээсэн мөч сая ирэв бололтой. Хосууд ирэх тавдугаар сард Сөүл хотод гэр бүл, найз нөхдийн хүрээнд хуримын ёслолоо зохион байгуулах болсныг жүжигчний агентлаг мэдээлжээ.
Ма Дон Сок 5 сарын 3-ний өдөр “The Roundup: Punishment” киногоо нээхээр бэлдэж байгаа. Ма шинэ киноны нээлт болон хуримын ёслолдоо зэрэг бэлдэж байгааг түүний харьяалагддаг Big Punch Entertainment агентлаг мэдээлжээ.
Эх Сурвалж: Allinkorea