Килиан Мбаппе анх удаагаа нэг улиралд 43 гоолын босго давлаа
Францын үнэмлэхүй аварга "Парис Сент-Жермен" клуб өнгөрсөн шөнө "Лориент"-ийн талбайд зочлон тоглож, 4:1-ээр хожлоо.
Лиг 1 тэмцээний 29-р тойргийн хүрээнд явагдсан эл тоглолтод Осман Дембеле, Килиан Мбаппе нар тус бүр хоёр гоолыг оруулсан юм.
Ирэх зун "Реал Мадрид" руу явах Килиан Мбаппегийн хувьд энэ улиралд бүх тэмцээний хүрээнд 43 тоглолтод оролцож, 43 гоолыг оруулаад байна.
Мбаппе 2020-21 оны улиралд 42 гоол оруулсан нь түүний карьерийн нэг улиралд оруулсан хамгийн олон гоол гэгддэг. Тэгвэл энэ улиралд уг дээд амжилтаа нэгээр ахиулаад байна.
Мөн энэ улиралд 10 гоолын дамжуулалт өгөөд буйг онцлох нь зүй болов уу.
Лиг 1 тэмцээний дэд байрт бичигдэж буй "Монако" Юссуф Фофанагийн гоолоор "Лилл"-ийг хожсон тул "ПСЖ" клуб гурав дахь дараалсан аваргын баяраа тэмдэглэхийн тулд ахин нэг тойрог хүлээх болсон юм.
"ПСЖ" клуб Францын хөлбөмбөгийн дээд лигт хамгийн олон буюу 11 удаа түрүүлээд буй. Тэд сүүлийн 11 улирлын есөд нь аваргын цом өргөсөн билээ.
Түүнчлэн Мбаппегийн хувьд, Европын топ таван лигт дөрвөн улирал дараалан 25 гоолын босго давсан анхны франц тоглогч боллоо.