Тавдугаар сарын 3-наас эхлэх Душанбегийн Их дуулгад Монголын 17 жүдоч зодоглоно
Тавдугаар сарын 3-5-ний өдрүүдээр явагдах Душанбегийн Их дуулга тэмцээнд 70 орны 435 жүдоч хүч сорихоор мэдүүлгээ өгчээ.
"Парис-2024" олимпын эрхийн оноо цуглуулах эл хариуцлагатай тэмцээнд Монголын 17 жүдоч барилдана. Өнөө жил Насанд хүрэгчдийн Улсын АШТ-д түрүүлсэн Л.Сумьяа олон улсад анх удаагаа зодоглох юм.
Эрэгтэйчүүдийн:
60 кг-д залуучуудын Азийн АШТ-ий хошой хүрэл медальт Н.Мэндсайхан (20 настай)
66 кг-д өнөө жилийн Улсын АШТ-ий түрүү бөх Л.Сумьяа, залуу тамирчин Ө.Бямбасүрэн (20 настай) нар
73 кг-д Их дуулга ангиллын алт, хүрэл медальт Б.Эрдэнэбаяр, залуучуудын Азийн АШТ-ий хүрэл медальт Ж.Энхтөр (19 настай) нар
81 кг-д 2021 оны Парисын Их дуулга тэмцээний хүрэл медальт Г.Болор-Очир
-100 кг-д Их дуулга ангиллын иж медальт Б.Гончигсүрэн
+100 кг-д Их дуулга ангилалд гурван удаа түрүүлсэн О.Цэцэнцэнгэл нар барилдана.
Эмэгтэйчүүдийн:
48 кг-д Азийн аварга Б.Баасанхүү, Их дуулга ангиллын иж медальт Г.Наранцэцэг нар
52 кг-д өнөө жил Улсын АШТ-д анх удаагаа түрүүлсэн Б.Уранзаяа (20 настай)
57 кг-д Азийн аварга, ДАШТ-ий хошой хүрэл медальт Л.Энхрийлэн
63 кг-д Азийн АШТ-ий иж медальт Б.Ганхайч
70 кг-д Азийн АШТ-ий хүрэл медальт Б.Ням-Эрдэнэ (18 настай)
-78 кг-д Азийн АШТ-ий хүрэл медальт О.Хүслэн (19 настай)
+78 кг-д Азийн наадмын хүрэл, Азийн АШТ-ий мөнгөн медальт А.Адъяасүрэн, өнгөрсөн жил Улаанбаатар Их дуулгаас хүрэл медаль хүртсэн Д.Номинзул нар зодоглоно.
Зураг | Тайлбар |