1 мин

Том Холланд, Зендая хоёр ойрын хугацаанд гэрлэхээр ярилцсан гэв

О.Анхзаяа 2024.04.29 2

Холливудын хамгийн хайр татам хосуудын нэг болох Том Холланд, Зендая нар саяхан гэрлэлтийн тухай ярилцсан хэмээх мэдээллийг ойр дотнын хүрээлэл дундаас People сэтгүүлд өгчээ.

Эммигийн шагналт жүжигчин, өнөө цагийн хамгийн ихээр олны анхаарлыг татсан жүжигчин Зендая болон бага наснаасаа эхлэн кино, тайзны бүтээлд дүрээ мөнхөлж, Хүн аалзын дүрээр олноо танигдаж, ихээхэн амжилттай яваа жүжигчин Том Холланд нар өдгөө хоёулаа 27 настай билээ.

"Тэд хувийн амьдралаа бүхэлд нь олон нийтийн сүлжээгээр цацдаг төрлийн хүмүүс биш тул гэрлэхээр болсон ч түүнийгээ ихэд нууцлах байх" хэмээн эх сурвалжаас мэдээлсэн бөгөөд тэд ирээдүйгээ цаашид бататгаж, харилцаагаа дараагийн түвшинд аваачих нь бараг тодорхой болсон гэлээ. 

Зендая шинэхэн гарсан "Challengers" киногоо сурталчлах ажилд оролцож, Том Холланд Лондонд тавигдах Ромео Жульетта жүжгийн бэлтгэлд ороод хоёулаа яг одоо маш завгүй байгаа билээ.

Тэдний харилцаа маш нандин байгаа учир хэн хэн нь бүх зүйлээ хүмүүст мэдээлж, ил болгохыг хүсэхгүй байгаа нь мөн хүндэлмээр үйлдэл билээ. Тиймдээ ч хэрэв тэд нууцаар гэрлэсэн байлаа ч фэнүүд нь тэдний өмнөөс асар ихээр жаргалтай байх биз ээ.

О.Анхзаяа 2024.04.29