1 мин
Өнгөрсөн тэмцээний аварга Такэрүфүжи Зуны тэмцээнд барилдахгүй
М.Сугар-Эрдэнэ
1 
Өнгөрсөн Хаврын тэмцээнд шинэ маэгашира цолтой түрүүлж, сүмо бөхийн түүхэн амжилтыг 110 жилийн дараа давтсан Исэгахама дэвжээний бөх Такэрүфүжи энэ сарын 12-нд Токиод эхлэх зуны тэмцээнд барилдахгүй болжээ. Хаврын тэмцээний 14 дэх өдөр баруун шагайныхаа шөрөмсийг гэмтээж, алхаж чадахгүй байсан ч сүүлийн өдөр нь барилдаж, түрүүлсэн билээ. Гэвч тэмцээний дараах тойргийн барилдаанд оролцоогүй. Нутагтаа түрүү бөхийн парад хийсэн ч дөрөвдүгээр сарын 30-наас л бага зэрэг бэлтгэл хийж эхэлсэн гэнэ.
Түүний багш Исэгахама ояката “Гэмтэл нь эдгэрээгүй болохоор тэмцээнд оролцож чадахгүй болсон. Хөл дэвсэх дасгал ч бүрэн хийж чадахгүй байгаа хүн барилдвал улам гэмтэх болно. Цаг хугацаа хангалттай зарж, бүрэн эмчлүүлнэ” гэж сэтгүүлчдэд мэдээллээ.
Түүнээс гадна комүсүби Асанояма мөн гэмтлээр барилдахгүй болсон байна.
Хамгийн их уншилттай 
холбоотой мэдээ 
санал болгох 
Сэтгэгдэл бичих (0)
У.Чинзориг
О.Анхзаяа