Монгол Улсын 25 дахь Ерөнхий Сайд С.Баяр энэ оны 3 сараас Их Британи, Умард Ирландын Нэгдсэн Вант Улсад суух элчин сайдаар томилогдон ажиллаж байсан билээ. Олон маргаан дагуулаад байсан энэ томилгоо удалгүй дуусгавар болох нь ээ. Учир нь Элчин Сайд С.Баяр өнгөрсөн сарын 22-нд албан үүргээс чөлөөлөгдөх хүсэлтээ гаргасан байна. Энэхүү хүсэлтийг Засгийн газрын хуралдаанаар хэлэлцэж Ерөнхийлөгчид өргөн барих юм. Монгол Улсын Ерөнхийлөгч бүрэн эрхийнхээ хүрээнд УИХ-ын Чуулганаар хэлэлцүүлж, зарлиг гаргана.
