Шангри-Ла зочид буудал дахь "Cafe Park" буфет ресторан цаг үеийн нөхцөл байдлаас шалтгаалан үйлчилгээний хэв маягтаа маш соргог өөрчлөлт оруулан, шинэ хуваариар ажиллаж эхэлснийг та мэдсэн үү?
Тэд үйлчлүүлэгчдийн эрүүл ахуй, аюулгүй байдлыг сайтар хангасан орчин бүрдүүлж, цагийн хуваарьтаа ч өөрчлөлт оруулж, шинэ зохион байгуулалттайгаар дахин нээгдсэн байна. Хүмүүс бужигнаж, хүүхдүүдийн хөл тасардаггүй энэ рестораны хамт олон ширээ хоорондын зайгаа холдуулж, нэг дор үйлчлүүлэх зочдын тоогоо багасгасан нь маш их таалагдлаа. Аан тийм, хүүхдүүдийн хувьд 12 буюу түүнээс дээш насны хүүхдэд үйлчилж байгаа юм байна шүү. Мөн нэгэн таатай мэдээ дуулгахад тэд үнээ хямдруулсан байгаа.
Ингээд Café Park чухам хэрхэн шинэчлэгдсэн талаарх сонирхолтой 10 мэдээллийг товчхон танилцуулъя.
Мэдээж нэн түрүүнд ширээ хоорондын зай холдож, бусдаас зайдуу тааваараа суух боломж бүрдүүлсэн нь таалагдлаа. Social distancing!
Нэг ширээнд 10-аас дээш хүн суух боломжгүй ч олуулаа явж байгаа тохиолдолд зэргэлдээ ширээнд зэрэгцэж суугаад хооллоход л болох юм байна лээ.
Таны сууж байгаа ширээн дээр дугаар байгаа. Та паста болон шөл захиалахдаа ширээнийхээ дугаарыг тогоочид хэлчихээд ширээндээ тухлаарай. Хүлээн зогсох шаардлагагүй. Бэлэн болсон паста, шөлийг тань зөөгч төвөггүйхэн аваад ирнэ.
Уух юмны цэс нэг удаагийнх болж өөрчлөгджээ. Олон хүний гар дамжсан цэсээр үйлчилэхээс сэргийлж ийм шийдэл гаргасан аж. Ямар байна?
Бас ширээний голд шинэ цаасан дугтуй байгаа. Амны хаалтаа ширээн дээр ил задгай тавихын оронд дугтуйнд хийчихвэл цэвэрхэн юм. Тун эвтэйхан, зүгээр санагдлаа.
Тогооч нар болон гал тогооны бүх ажилчид амны хаалттайн дээр давхар нүүрний хаалттай байгааг харж болно. Мэдээж эрүүл, аюулгүй хоол хүнсээр үйлчлэх, халдвар хамгааллын горимоо баримтлах нь нэн тэргүүнд.
Бид өмнө нь аяга тавгаа хоол өрсний доод тавиураас авдаг байсан. Харин одоо тавагнуудаа тусад нь ингэж тавьдаг болсон байна лээ шүү.
Өмнө нь бид өөртөө үйлчлэн, идэхийг хүссэн хоолоо өөрөө таваглан авдаг байсан бол одоо үйлчлүүлэгчийн аюулгүй байдлын үүднээс тогооч нар таны сонгосон хоолыг таваглаж өгдөг болжээ. Төвөгтэй санагдаж магадгүй ч таны төлөө юм шүү. Гэхдээ л бид чинь ингэж бусдаар үйлчлүүлэх дуртай дөө.
Та хоолныхоо дараа заавал амттаны хэсэг лүү явдаг хүмүүсийн нэг үү? Тэгвэл бялуу, кекс, зөөлөн чихэр, зайрмаг гээд л төрөл бүрийн амттанууд байдгийг мэдэж байгаа. Эрүүл ахуйн үүднээс тэдгээрийг шилэн хорго, хөргүүрт хийсэн байна лээ. Сонголтоо хэлэхэд л тогооч таваглаад өгнө.
Цагийн хуваарьт нь өөрчлөлт орсныг дээр дурьдсан даа. Нарийвчлан хэлэхэд өдрийн зоогийн үеэр 11:30-15:00 цагийн хооронд, харин оройн зоогийн үеэр 17:00-21:00 цагийн хооронд үйлчилж байгаа шүү.
За тэгээд Café Park ресторан нээгдэхийг хүлээн, буфет хоолоо санаж байсан бол яг одоо утасдаж захиалгаа өгөөрэй.
