Тува улс ЗСБНХУ-д сайн дураар нэгдсэний 80 жилийн ой тохиож байна. Тувад ойн олон арга хэмжээ болж байгаагийн дотор “Орос, Хятад, Монгол дахь тувачууд” гэрэл зургийн үзэсгэлэн байна.
Үзэсгэлэнг гэрэл зурагчин Василий Балчый-оол гаргасан бөгөөд нийт 232 зураг Тувагийн үндэсний музейд тавигдаад байгаа юм. Энд үзэгчид гадаадад амьдарч байгаа тува үндэстнүүдийн аж амьдрал, зан заншилтай танилцаж болно.
1944 оны аравдугаарсарын 11-нд Бага хурлын VII чуулганаар тувачууд ЗСБНХУ-д нэгдэх хүсэлтээ албан ёсоор баталж байжээ. Одоо ОХУ-д 296 мянга, Монголд 2354, Хятадад 4300 тува иргэн амьдарч байна.
