Дөнгөж саяхан ийм нэгэн харамсалтай мэдээ цацагдлаа.
“One Direction” хамтлагийн гишүүн асан Лиам Пейн 31 насандаа зуурдаар таалал төгссөн байна.
Тэрээр Аргентин улсад нэгэн зочид буудалд байрлаж байх үедээ гурван давхрын өрөөнийхөө тагтнаас унасан байна.
Энэхүү үйл явдал болохын өмнөхөн цагдаагийн байгууллагад архи эсвэл мансууруулах бодис хэрэглэсэн байж магадгүй түрэмгий эр шуугиан тарьж буй тухай дуудлага очсон байжээ. Мөн ажилтнууд өрөөнөөс чанга дуу чимээ гарахыг сонсжээ.
Чарли Пут, Парис Хилтон зэрэг одуудаас гадна томоохон хөгжмийн платформууд эмгэнэлээ илэрхийлээд байна.
Мөн түүний үнэнч шүтэн бишрэгчид яг одоо цуглан эмгэнэлээ илэрхийлэн гашуудаж байна.