Нийслэлийн есөн дүүрэгт олон улсын стандартын 3х3 сагсан бөмбөгийн талбай байгуулжээ. Эдгээр талбайг тохижуулахын тулд 188 байршилд гарааш буулган газрыг нь чөлөөлсөн байна.
Иргэдийн эрүүл, аюулгүй орчинд амьдрах эрхийг хангах, газар ашиглалтыг сайжруулах зорилгоор Нийслэлийн Засаг дарга захирамж гаргасан нь ийнхүү хэрэгжиж буй аж. Тодруулбал, Багануур дүүрэгт хоёр, Налайх дүүрэгт хоёр, Баянзүрх дүүрэгт таван байршилд олон улсын стандартын 3х3 сагсан бөмбөгийн талбай барьж, шинээр 9 сагсан бөмбөгийн талбайн ажлыг гүйцэтгэж дууссан байна.
Нийслэлийн төсвийн хөрөнгөөр тус ажлуудыг Хот тохижилтын газар гүйцэтгэж, нийслэлийн Хөрөнгө оруулалтын газар захиалагчийн техникийн хяналтыг гүйцэтгэжээ.