Олимпын аварга Елдос Сметов ойрын үед тэмцээн уралдаанд оролцохгүй гэнэ. Тэрээр өнгөрсөн олимпын наадамд түрүүлж, Казахстанд Үндэсний баатар болоод байгаа билээ.
Аварга саяхан Aqtobe TV-д ярилцлага өгөхдөө боловсролдоо анхаарах гэж байгаа талаараа ярьжээ.
Сметов “Би Японы жүдоч Наохиса Такатотой анд найз. Даанч англи хэлэндээ муу болохоор бид хоёр сайн ойлголцдоггүй. Тийм болохоор юуны өмнө англи хэлэнд анхаарал хандуулахаар шийдсэн. Сайн сурчихвал Такатотой чөлөөтэй ярилцдаг болж чадна. Ирэх жилийн эхээр би Лондонд хотод хэлний сургуульд суралцах гэж байгаа. Дөрвөн сарын хичээл. Жүдогоос энэ хугацаанд холдоод зөвхөн англи хэлээр амьсгална” гэж хэлсэн байна.
Түүний мөрөөдөл нь Олон улсын жүдо бөхийн холбооны сайтад англи хэлээр ярилцлага өгөх явдал гэнэ.
Казахстаны шигшээ баг 2025 оны нэгдүгээр сарын 9-нөөс цугларалтад гарна. Сметов оролцохгүй болжээ.
