Дэлхийн бөхийн нэгдсэн холбооноос өнгөрч буй 2024 оны шилдэг бөхчүүдээ тодрууллаа. Ер нь чансааны оноо хэр өндрөөр нь шалгаруулсан байна.
Эрэгтэй чөлөөт бөхөд Гүржийн Петриашвили энэ улирлыг 68200 оноотойгоор эрэгтэй бүх арван жинд манлайлсан. Парисын олимпын аварга Гено 2024 онд 13 ялж, 4 ялагджээ. 30 настай тэрээр чөлөөт бөхийн бүхий л шагналыг авлаа. Олимпын бүрэн багц медаль, дэлхийн 3 алт, Дэлхийн Цом, Европын АШТ-ий тус бүр 2 алт гээд аргагүй л ясны бөх гэдгээр Гено харуулсаар байгаа.
Парис олимпоос буцаж ирээд Гено улстөрд идэвхтэй орлоо. “Гүржийн мөрөөдөл” намаас парламентад сонгогдсон. Сөрөг хүчний гол “дайсан”.
Сонгомол барилдаан: Нао Күсака (Япон)
23 настай Нао Күсака олимп, Азийн аварга шалгаруулах тэмцээн, Унгарын чансааны цуврал тэмцээнүүдэд алтан медаль хүртэж, Хорватын чансааны цуврал тэмцээнээс хүрэл медаль хүртэн, 79,200 чансааны оноогоор энэ улирлыг дуусгалаа. 2024 оны анхны тэмцээндээ хагас шигшээд унасны дараа Кусака 14 дараалан ялалт байгуулсан.
Эмэгтэй чөлөөт: Бусе Тосун (Турк)
Бусе эмэгтэй бөхчүүдээ чансааны 60,200 оноогоор тэргүүлсэн. Японы Сакүра Мотокиг дөнгөж 200 оноогоор илүүрхсэн юм. Түүний олимпын хүрэл медаль нь Туркийн эмэгтэй чөлөөт бөхийн олимпийн хоёр дахь медаль байлаа.
