Шинэ хүмүүстэй танилцах үед эерэг сэтгэгдэл төрүүлэхийг хүссэн ч хэрхэн харилцахаа мэдэхгүй, эсвэл бага зэрэг ичингүйрэх тохиолдол хүн бүрт л гардаг. Заримдаа үгээ олж ядан тээнэгэлзэх, эсвэл яаж эелдэг, дулаан харилцаа үүсгэхээ мэдэхгүй байж болох юм. Гэвч хүн бүрт сайн сэтгэгдэл үлдээх энгийн, үр дүнтэй арга замууд бий.
Хэрэв та дөнгөж танилцсан хүмүүстэйгээ илүү дотно, таатай уур амьсгал бүрдүүлэхийг хүсдэг ч яаж эхлэхээ мэдэхгүй байгаа бол дараах 10 зөвлөгөө танд туслах болно.
1. Инээмсэглэх
Халуун дулаан инээмсэглэл нь итгэлцэл, нөхөрсөг байдлыг төрүүлж, харилцааг илүү эерэгээр эхлүүлэхэд тусалдаг.
2. Нэрээр нь дуудаж ярианд оруулах
Хүн бүр нэрээ сонсох дуртай. Тэдний нэрийг тогтоож, яриандаа оруулснаар хүндэтгэлтэй, ойр дотно мэдрэмжийг өгдөг.
3. Нүд рүү нь эелдэг харж ярих
Нүд рүү нь харан ярилцах нь соёлтой, итгэл үнэмшилтэй харилцааг бий болгодог. Гэхдээ хэт ширтэхээс зайлсхийх хэрэгтэй.
4. Анхааралтай сонсох
Хүний ярьж буй зүйлийг чин сэтгэлээсээ сонсож, дундуур нь таслахгүй байх нь тэднийг хүндэлж буйг харуулдаг.
5. Эелдэг магтаал хэлэх
Жижиг ч гэсэн чин сэтгэлийн магтаал хэлэх нь тухайн хүнд өөрийг нь үнэлж байгааг мэдрүүлнэ.
6. Биеийн хэлэмжээ нээлттэй байлгах
Гараа эвхэх, нүүрээ ярвайх зэрэг нь хаалттай мэт сэтгэгдэл төрүүлдэг. Илүү нээлттэй, эерэг биеийн хэлэмж ашиглаарай.
7. Хөгжилтэй, эерэг сэдэв сонгох
Эхний уулзалтаар хэт хувийн, маргаантай сэдэв хөндөхөөс зайлсхийж, илүү хөгжилтэй, энгийн сэдвээр ярилцах нь таатай уур амьсгал бүрдүүлнэ.
8. Тусламж санал болгох
Хэрэв шинэ танил тань ямар нэг зүйлд тусламж хэрэгтэй бол байгаагаа илэрхийлэх нь эерэг харилцаа үүсгэх нэг арга юм.
9. Харилцан адилгүй байдалд хүндэтгэлтэй хандах
Ялгаатай үзэл бодол, соёл, туршлагыг хүлээн зөвшөөрч, хүндэтгэлтэй хандах нь хүн бүрт дулаан мэдрэмж төрүүлнэ.
10. Ярилцлагыг сайхан үгтэйгээр өндөрлөх
"Тантай танилцсандаа таатай байна" гэх мэт үг хэлэх нь харилцааг эерэгээр дуусгаж, цаашид үргэлжлүүлэх боломжийг нэмэгдүүлнэ.
