Серби улс Европын холбоонд элсэх бэлтгэл ажлын хүрээнд хэд хэдэн орны иргэдийн визийн хөнгөлөлтийг хүчингүй болголоо. Өмнө нь тодорхой хугацаанд визгүй зорчдог байсан Катар, Монгол, Кувейт, Оманы иргэдийг визтэй болголоо.
Тус улс визийн бодлогоо Европын холбооны дүрэм журамтай нийцүүлж, 2026 он гэхэд Европын холбооны бүх шаардлагад нийцсэн байхаар ажиллаж байна Schengen News-д мэдээлснээр Турк, Хятад, Азербайжан, Беларусь, ОХУ-ын иргэдэд заавал визтэй зорчих шаардлага тавих юм.
Европын холбооны дүрэм ёсоор тус холбоонд элсэхийг хүссэн улс “acquis communautaire” (ЕХ-ны хууль)-г хүлээн зөвшөөрөхөөс гадна цагаачлал, визийн бодлогоо нийцүүлэх ёстой юм. Сербийн хил, гаалийн зөөлөн бодлогын үр дүнд Сербийн нутгаар дайран, Шенгений бүст нэвтрэх хууль бус хүмүүсийн тоо эрс өссөн гэнэ. Энэхүү маршрутыг Баруун Европт очих “Балканы маршрут” хэмээн нэрлэдэг гэнэ.
Серби улс Европын холбоонд элсэх хүсэлтээ 2009 онд гаргасан. 2014 оноос эхлэн нэгдэх гэрээ хэлэлцээр явагдаж байна.
