Хойд Америкийн НХЛ лиг төдийгүй дэлхийн спортын түүхэнд нэгэн том үйл явдал болох дөхсөөр байна. Мэргэжлийн хоккейн хэзээ ч эвдэгдэшгүй, мөнхийн рекорд гэгдэж байсан Агуу Гретцкигийн нийт 894 гоол хийсэн амжилтыг эвдэхээр Александр Овечкин дөхөж ирчихээд байна. Рекордтой тэнцэхэд ердөө 2 гоол, давж гарахад 3 гоол л дутуу байна. Мөнхийн рекорд Бямба, магадгүй Ням гаригт биднийг амарч байхад эвдэгдэж магадгүй.
Агуу Гретцки сүүлийн энэ хэдэн тоглолтыг бүгдийг нь үзнэ гэж мэдэгдсэн. Учир нь рекорд амжилтаа унахыг өөрийн биеэр харахыг хүсэж байгаа юм. Эрт дээр цагт Гретцки өөрөө Горди Хоугийн амжилтыг эвдэж, Хоу биечлэн сууж байсан түүхтэй.
Ингээд Агуу Гретцкигийн тухай 15 баримтыг хүргэж байна.
1. Уэйн 1961 оны нэгдүгээр сарын 26-нд Канадын Онтариод төрсөн. Нэг эмэгтэй, 4 эрэгтэй дүүтэй.
2. Уэйн Гретцки хоёр нас, 10 сартайдаа анх тэшүүрээр гулгасан. Түүнд маш их таалагдсан тул аав нь хашаандаа мөсөн талбай хийж өгчээ.
3. Гретцки өөрөө ч таван хүүхэдтэй. Паулина (36 нас), Тай (34), Тревор (32), Тристан (24), Эмма (21) нарын хэн нь ч мэргэжлийн тамирчин болоогүй.
4. Нутгийн нэгэн сэтгүүлч түүнд “the Great One” хоч өгсөн нь насан турш нь дагаж явах хэргэм нь байлаа. Уэйнийг заримдаа тааруу тоглоход нь the Good One гэж дооглодог байв.
5. Уэйн бейсболч болсон ч чадах байлаа. Нутгийнхаа лигт маш сайн тоглож байсан тул бейсболын мэргэжлийн лигийн “Торонто Блю Жейс” баг гэрээ байгуулах санал тавьж байжээ.
6. Идэрчүүдийн OHL лигт тэр домогт 99 дугаар авсан. Учир нь түүний 9 дугаар эзэнтэй болсон байлаа.
7. НХЛ-ийн анхны улиралдаа тэр Шилдэг тоглогчийн Харт Трофи шагнал авсан.
8. Уэйн 8 жил дараалан, Улирлын шилдэг тоглогч (1979/80 - 1986/87) болсон. Америк хөлбөмбөг, бейсбол, сагсан бөмбөгийн мэргэжлийн лигт хэн ч ийм амжилт үзүүлж байсангүй.
9. “Шазруун залуучууд” цуврал кинонд жижиг дүр бүтээсэн. Энэ цуврал одоо болтол гарсаар байдаг. Нийт 13 мянган ангитай.
10.1982 оны ДАШТ-ий үеэр болсон ойрын зайн гүйлтийн тэмцээнд 21 настай Гретцки хөлбөмбөгч Пеле (41), теннисийн од Бьорн Борг (25), боксын Шугар Рэй Леонард (25) нарыг ялан түрүүлж байлаа.
11. Америкийн зураач, дизайнер, кино найруулагч, продюсер, зохиолч Энди Уорхол 1983 онд түүний хөргийг зуржээ.
12. Гретцки төрийн шагналд дургүй. 1984 онд Канадын Офицерын одон хэмээх дээрээсээ хоёр дахь шагналыг хүртээд 1998 онд л авсан. Харин 2009 онд хамгийн дээд одонгоор шагнуулаад очиж аваагүй л байгаа.
13. Гретцки 1988 онд жүжигчин Жанет Жексонтой гэрлэсэн. Тэд бүжгийн шоун дээр танилцсан бөгөөд Жанет бүжиглэж, Уэйн шүүгч байжээ. Тэд бараг 37 жил хамтдаа байна.
14. Ард түмэн тэдний хуримыг “Эзэн хааны хурим” гэж нэрлэсэн. Үндэсний телевиз шууд дамжуулан үзүүлж, сүйт бүсгүйн бөгж нь 250 мянган ам.долларын үнэтэй байлаа. Ёслол нэг сая ам.доллар болсон нь тэр үед асар их мөнгө байлаа.
15. “Эдмонтон Ойлерз” багийн эзэн Питер Поклингтон Гретцкиг “Лос-Анжелес” багт зарсны дараа Канадын парламентын нэгэн депутат улсын хөрөнгөөр буцаан худалдаж авах санал гаргаж байв.
16. Гретцки дөрвөн Стэнлийн цомтой (1984, 1985, 1987, 1988) – бүгдийг нь “Эдмонтон” багт авсан.
17. Уэйн тоглолтын өмнө Энн Мюррей болон АВВА хамтлагийн дууг сонсох дуртай.
18. Гретцки, Майкл Жордан, Бо Жексон нар супер тамирчид гэмт хэрэгтэй тэмцдэг “ProStars” хүүхэлдэйн киноны дүр болж байсан.
19. Гретцки, Жордан хоёр 1990-өөд оны сүүлээр хамтдаа спорт барааны интернет-дэлгүүр нээсэн ч маш хурдан дампуурч байжээ.
20. Уэйний зурагтай карт 2021 онд 3,75 сая ам.доллар, тоглолтын өмсгөл нь 2022 онд 1,45 сая ам.доллароор зарагдаж байлаа.
21. Гретцки тоглолт дээр гуравхан удаа зодолдож байсан, бүгдэд нь ялагджээ.
22. Түүний нэрээр Эдмонтон дахь хурдны замыг нэрлэсэн. Гэвч Дональд Трамптай найзын харилцаатай гэдгээр нь саяхнаас замын нэрийг өөрчлөх санал гараад байгаа.
23. 99 дугаарыг 2000 онд НХЛ лиг албан ёсоор мөнхөлсөн билээ.
24. Уэйний хөшөөг 1989 онд Эдмонтонд, 2002 онд Лос-Анжелест, 2013 онд төрөлх Брантфорд хотод нь босгожээ.
25. Гретцки Ванкуверт болсон олимпын наадмын бамбарыг асаасан.
26. Гретцки дарсны “Wayne Gretzky Estates” брэндтэй.
27. Тэрээр НХЛ лигийн 57 рекордыг албан ёсоор эзэмшдэг. Түүний нэгийг нь Овечкин ойрын үед эвдэх гэж байгаа юм.
