Сагсан бөмбөгийн 3х3-ийн ДАШТ манай улсын нийслэл Улаанбаатар хотноо гурав дахь өдрөө явагдаж байна.
Өчигдөр Монголын эмэгтэй шигшээ багийнхан хэсгийн шатнаа Бразилийн багийг 16:14 харьцаатай хожиж, Испанийн шигшээд 22:10-аар ялагдлаа.
Тэд 6-р сарын 26-ны өдөр Герман болон Украины багуудтай тоглоно.
Монголын эмэгтэй шигшээ багийнхан Б.Ариунцэцэг, М.Цэрэнлхам, Н.Нандинхүсэл, О.Хулан нарын бүрэлдэхүүнтэйгээр энэ ДАШТ-д оролцож байна.
Монголын багийнхан ДАШТ-ий “D” хэсэгт Испани, Герман, Бразил, Украины багуудын хамтаар хуваарилагдсан агаад уг хэсгээс гурван баг хасагдах шатнаа өрсөлдөнө.
