2026 онд болох Азийн АШТ-ий урьдчилсан шатны “В” хэсгийн тоглолтууд 6-р сарын 23-наас 7-р сарын 5-ний өдрүүдээр Тайланд улсад явагдаж байна.
“В” хэсэгт Монгол, Энэтхэг, Зүүн Тимор, Ирак, Тайландын багууд хуваарилагдсан агаад эндээс зөвхөн нэг баг л Азийн АШТ-д оролцох эрхтэй болох юм.
Монголын баг эхний тоглолтоо Энэтхэгийн шигшээтэй хийж, 13:0 харьцаатайгаар хожигдлоо. Монголын эмэгтэйчүүдийн шигшээ 2023 оны 12-р сараас хойш анх удаа тоглосон нь энэ юм.
Монголын эмэгтэй хөлбөмбөгчид үүнээс өмнө Зүүн Азийн АШТ-ий урьдчилсан шатнаа Хойд Солонгосын шигшээд 19:0-ээр, Азийн наадмаар Хятадын багт 16:0-ээр хожигдож байсан.
Монголын шигшээ багийнхан 6-р сарын 26-ны өдөр Иракийн багтай, 7-р сарын 2-ний өдөр Тайландын эсрэг, 7-р сарын 5-ны өдөр Зүүн Тиморын багтай тоглоно.
