“Snapchat”, “Lloyds”, “Halifax” зэрэг “Amazon Web Services” (AWS) серверийг ашигладаг томоохон аппликэйшнууд болон вебсайтуудын үйл ажиллагаа аравдугаар сарын 20-ны өдөр саатжээ. Хэрэглэгчид даваа гарагийн өглөөний 07:00 цагаас эхлэн сайт, аппликэйшнууд руу хандахад алдаа гарч эхэлсэн байна. Үүнд “Fortnite” гэх мэт асар том онлайн тоглоомуудаас эхлээд хэл сурах ”Duolingo”аппликэйшн хүртэл багтаж байлаа.
“Downdetector” платформ энэхүү саатал нь 11 сая гаруй хэрэглэгч, 2,500 гаруй компанид хохирол учруулсан гэж мэдээлсэн. “Амазон” компани хэдийгээр гэмтлийг зассан ч мэргэжилтнүүд нэг компанид бүрэн үйл ажиллагаагаа найдах нь хэтэрхий эрсдэлтэйг харуулсан үйл явдал боллоо хэмээн дүгнэж байна.
“Амазон” компани даваа гарагийн орой дэлхийн томоохон аппликэйшн болон вебсайтууд эргэн хэвийн ажиллаж эхэлснийг зарлалаа. Серверийг буцаан хэвийн үйл ажиллагаанд оруулсан ч томоохон сайтууд хэсэг хугацаанд зарим хандалтыг хязгаарлахаас өөр аргагүй байна.
