1 мин

35 эмэгтэйтэй зэрэг болздог байсан залууг залилангийн хэргээр баривчилжээ

Г.Сүрэн 2021.04.28 6 2 2

10

Япон улсын иргэн 39 настай Такаши Мияагава 35 өөр эмэгтэйтэй зэрэг болзож, бүгдэд нь төрсөн өдрөө худалд мэдүүлсэн нь илэрч залилангийн хэргээр баривчлагджээ. Тэр арваннэгдүгээр сард төрсөн боловч найз бүсгүйчүүддээ 35 өөр өдрийг төрсөн өдрөө гэж худал хэлж, бүгдээс нь бэлэг мэндчилгээ хүлээн авдаг байжээ. 

Мияагава 47 настай найз бүсгүйдээ төрсөн өдрөө хоёрдугаар сарын 22 гэж хэлсэн бол 40 настай өөр нэгэн найз бүсгүйдээ долдугаар сард гэж хэлжээ. Мөн 35 настай найз бүсгүйдээ дөрөвдүгээр сар гэж хэлсэн аж. Japan Times-ийн мэдээлснээр түүнээс мэдүүлэг авч байгаа бөгөөд түүнд хууртсан найз бүсгүйчүүдийн тоо 35-аас ч их байх магадлалтай гэнэ.

Мияагавад жилийн турш ирсэн төрсөн өдрийн бэлэг, хувцас, эдлэлийг тооцож үзэхэд 665 еврогийн үнэд хүрсэн байна.

Мияагавагийн хохирогч болсон зарим бүсгүйчүүд цагдаад удаа дараа мэдүүлэг өгч ийнхүү 35 найз бүсгүйтэй болох нь тогтоогджээ. Түүнд одоогоор хэчнээн хэмжээний торгууль ногдуулах нь шийдэгдээгүй байна.

Эх сурвалж: Japan Times  

Г.Сүрэн 2021.04.28

10