2 мин

Бусдыг бодсоор эцэст нь өөрөө хохирч үлддэг хүмүүсийн л ойлгох 10 мэдрэмж

О.Анхзаяа 2021.07.01 10 3 1

54

Энэ ертөнцийг өөрийн өвөрмөц, гэгээн нүдээр харж бодож явдаг ч үргэлж хохирдог, бас түүндээ шантрахгүй тэр хэвээр л байсаар ирсэн хүмүүсийн ойлгох мэдрэмжүүдийг оруулж байна.

1. Танд бусдын сэтгэл мэдрэмжийг ойлгох, тэр хүнийг ганцаардуулахгүй, тусалчих юмсан гэх асар их хүсэл тэмүүлэл бий. Гол нь бусдад тусалж, бусдын төлөө шийдвэр гаргах нь танд хэцүү сонголт биш байдаг.

2. Гэхдээ энэ бүхний эцэст зарим хүн таныг зөвхөн ашиглаж, таны тэр байдлыг өөрийн давуу тал болгон ашиглах гээд байдаг талтай. 

3. Энэ мэдрэмж таныг өвтгөдөг ч та өөрийгөө үл тоон бусдын төлөө гэх сэтгэлээ хаяж чаддаггүй.

4. Хэн нэгэн ямар нэг зүйл гуйхад, эсвэл бүр гуйгаагүй байлаа ч та өөрөө тэр хүнд тус болох юуг ч хийж чаддаг.

5. Гол нь та өөрөө яаж ч гомдож, шархалсан бай түүнийгээ хэлдэггүй. Худал инээмсэглэл тодруулж, шархлаагүй мэт байх гэж хичээдэг бөгөөд хүмүүс таныг гүн харж, ойлгож чаддаггүй болохоор ихэнхдээ хэн ч танаас "Зүгээр үү" гэж асуудаггүй.

6. Өмнө нь хэцүү үедээ таныг зорин ирж, ярьж, дагаж байсан тэр л хүмүүс асуудал нь шийдэгдэхээр таныг орхиод явдаг. Өмнө нь юу ч болоогүй мэт...

7. Та өөрийгөө зүгээр гэж бодож байж болох ч таны дотроос гарах тэр их сэтгэл бага багаар айдас эргэлзээгээр дүүрч эхэлдэг. Та өөрөө ч мэдэлгүй ядарч, өөрөө хоосорч байдаг.  

8. Үнэндээ та огтхон ч хариу нэхэж ямар нэг зүйлийг хийдэггүй. Зүгээр "баярлалаа" гэхэд л, нэг инээмсэглэхэд л дүүрэх сэтгэл. 

9. Яагаад ч юм таны толгой их хурдан ажилладаг, аливаад их зүтгэлтэй боловч яг өөртөө цаг зарцуулах болох үед яагаад ч юм зав гарахгүй, болж өгөхгүй, нэг л идэвхгүй болчихдог. 

10. Энэ бүхний эцэст та өөрийгөө нэн түрүүнд хайрлах ёстой гэдгээ мэддэг ч яагаад ч юм чаддаггүй. Тиймээс яаж ийгээд өөртөө цаг гаргаж, бас танд онцгүй хандаж, гомдоосон хүмүүсээс жаахан ч болтугай завсарлага авч, нэн түрүүнд өөрийгөө л анхаарахыг хүсье. Та өөртөө хамгийн түрүүнд анхаарал тавих ёстой юм шүү.

О.Анхзаяа 2021.07.01

54