1 мин

Зохиолч Салман Рушдиг хутгалсны дараа Ж.К.Роулингийг "Чи дараагийнх нь" хэмээн сүрдүүлжээ

О.Анхзаяа 2022.08.14 2

2

"Booker"-ийн шагналт зохиолч Салман Рушди Нью-Йорк хотноо лекц тавих гэж байх үедээ хутгалуулсан сэтгэл өвдөм мэдээ дэлхий дахиныг цочроож байна. Үүнээс үүдэн олон хүн олон нийтийн сүлжээ ашиглан өөрсдийн сэтгэгдлийг илэрхийлж, хурдан эдгэрэхийг хүсэн ерөөсөн билээ. 

Энэ дунд Харри Поттер номын зохиолч Ж.К.Роулинг мөн "Энэхүү мэдээг сонсоход дотор минь муухайрах шиг болж байна. Түүнийг зүгээр байгаасай хэмээн найдаж байна" гэж твиттертээ бичсэн байна. Харин түүнд нэгэн хаягаас "Санаа зоволтгүй, чи дараагийнх нь" хэмээн илгээсэн нь ихээхэн шуугиан дэгдээж, одоо зохиолч бүсгүй цагдаагийн байгууллагатай хамтран ажиллаж байгаа гэнэ. 

Зохиолч Салман Рушдид халдсан этгээдийн зурган доор мөн тэрхүү хэрэглэгч илт магтсан сэтгэгдэл бичсэн юм.

Зохиолчдыг мөшгин хохироож, хөнөөх гэсэн бүлэг гэмт хэрэгтнүүд байгаа эсэх дээр одоо тэд мөрдлөгө явуулж байгаа бөгөөд өдгөө 57 настай Ж.К.Роулингийн аюулгүй байдалд санаа зовсон мянга мянган фэнүүд нь мөн зохиолч бүсгүйд сэтгэлийн үгээ харамгүй илгээж байна.

О.Анхзаяа 2022.08.14

2