Соёл, урлагийн ажилтны өдрийг тохиолдуулан Сэлбэ голын эрэг дагуух байршилд “Соёлын орон зай" арга хэмжээ нээлтээ хийлээ. Соёлын яамнаас зохион байгуулж буй уг нээлттэй арга хэмжээ 2 өдөр үргэлжлэх бөгөөд Денверийн гудамж дахь Сэлбэ голын дагуух орон зайг зураач, уран бүтээлчдийн урлагийн бүтээлийн илэрхийллийн олон хэлбэрээр тохижуулж, соёлын орон зай, орчныг бүрдүүлээд буй юм. Мөн мэргэжлийн урлагийн байгууллагууд олон төрлийн оролцооны хөтөлбөр, соёлын арга хэмжээнүүдийг зохион байгуулж байгаа тул та бүхэн амралтын өдрүүдэд "Соёлын орон зай" арга хэмжээнд гэр бүлээрээ тухтай зочлоорой.
