1 мин

Өглөөг эрч хүчтэй, эерэг эхлүүлмээр байвч чаддаггүй хүмүүст өгөх 5 зөвлөгөө

О.Анхзаяа 2023.08.30 1

Өглөө яг л хүүхэлдэйн кинон дээр гардаг шиг сэрмээр байдаг уу? Ажилдаа инээмсэглэн явж, өглөөний нарыг мэдрээд л, бүх ажлаа төлөвлөж, өнөөдөр алаад өгнө гэж бодоод л... Тэгж чаддаггүй бол ойрын үед өөрийн туршиж байгаа хэдэн аргаас сонирхуулъя.

illustrations: Paco_Yao

1. Өглөө босоод дуртай, хайртай цоглог хэмнэлтэй дуугаа чангаар сонсох

Би бас сэрүүлэг дээрээ Spotify дээрх дуунуудаасаа холбоод тавьчихдаг. Тэгэхээр гоё дуу явах чимээн дунд сэрнэ гэсэн үг. Гоё биз дээ? Бараг бүжиглээд л сэрнэ.

2. Богино бүлэгтэй ном унших

Өглөө 10 орчим минут зарцуулаад уншиж дуусгах боломжтой богино бүлгүүд бүхий ном сонгон авч уншвал ихээхэн адал явдалтай, сонирхолтой байх болно. 

3. Маш амттай өглөөний цай бэлдэх

Өөртөө болон гэр бүлийнхэндээ яг л бичлэгүүд дээр гардаг шиг амттай, өег, царайлаг өглөөний цай бэлдэж өгөөрэй. Бүрэн өглөөний цайг уусны дараа бие чинь цаанаасаа л сэргэх болно. 

4. Жаахан хөлрөх

Өглөө босоод хэдэн минут алхах эсвэл гүйх хугацааг өөртөө гаргаж өгвөл тэр өдөр бүхэлдээ эрч хүчтэй байж, бие тань ч бүх зүйлд бэлэн байх болно. 

5. Тухайн өдөр хийх зүйлсээ жагсаан бичиж, төлөвлөх

Хамгийн түрүүнд ямар ажлыг хийж дуусгах вэ, дараа нь яах вэ гээд бүхнийг аль болох бодитоор харан бичиж тэмдэглээрэй. Тэгвэл эрч хүч, урам зориг орж, тэр өдөр үр бүтээлтэй байх болно гэдгээ ч өөртөө амлах болно. 

О.Анхзаяа 2023.08.30