Зэрлэг байгальд амьдарч буй дэлхийн хамгийн хөгшин арслан Лоонкито хоол хүнс хайж хажуу тосгон руугаа ороод алуулжээ. 19 настай байсан тус арслан Кени улсын Амбосели үндэсний хүрээлэнд амьдардаг байсан юм. Тэрээр хоол хүнсгүй болсны улмаас ойрхон байсан Олкелуньет тосгоны мал руу дайрч, улмаар малчид түүнийг жадаар сүлбэн хөнөөжээ.
2017 онд Лоонкито өөрийн дүү болох Амбогга арслантай тулалдан ялж, түүнээс хойш ойр орчмын арслангуудыг толгойлон амьдрах болсон байж. Тулаанаас болж шархдсан тэрбээр жил өнгөрөх тусам улам бүр сульдсаар байж.
Өндөр наснаасаа болж сульдсан байсан арсланг тосгоны хүмүүс жадаар хөнөөсөн байна. Ойр орчмын тосгодын хүмүүсийг боломжтой бол арслангуудыг хөнөөхгүй байхыг сануулдаг байжээ.
Одоо тус бүс нутагт 100 орчим арслан амьдардаг аж.
