Хамгийн дотны гэж бодож байсан хүнээсээ харилцаагаа таслан, үерхэлдээ цэг тавих хамгийн хэцүү. Өөрт тохирохгүй, нэгэндээ хортой нөлөөтэй хүнээс салахгүй л бол та эрүүл, аз жаргалтай харилцааг эхлүүлж чадахгүй. Үерхэл харилцааны талаарх 2022 оны дараах статистик үзүүлэлтүүдийг уншаад үз. Та гаргасан шийдвэртээ харамсахгүй.
#1 Насанд хүрсэн хүн амьдралаа холбох хүнээ олох хүртлээ дунджаар долоон үерхлийг туулж, долоон удаагийн салалтыг мэдэрсэн байдаг.
#2 Холын зайн харилцааны 58 хувь нь л бүтдэг. Холын зайн үерхлийн үргэлжлэх хугацаа дээд тал нь 2.9 жил байх боломжтой гэж судлаачид үзэж байна.
#3 Хоорондоо ярилцдаггүйгээс бий болдог үл ойлголцол нь салалтын хамгийн том шалтгаан.
#4 Залуусын 65 хувь нь хамтрагчдаа үг хэлэлгүй таг болох буюу "ghost" хийж үзсэн байдаг. Харин 72 хувийнх нь хамтрагч өөрийг нь үг дуугүй орхиж байжээ.
#5 Онлайн, сошиал хэрэгслээр танилцсан хосууд биечлэн уулзаж танилцсан залуусаас илүү их салдаг.
#6 Судлаачдын үзэж буйгаар салалтыг даван туулахад дор хаяж гурван сар хэрэгтэй. 11 долоо хоногийн дараа таны хүнд хэцүү мэдрэмж бүрэн арилах магадлалтай гэсэн үг.
#7 Экстэйгээ эргэн нийлэх магадлал нь тухайн харилцаа үргэлжилсэн уртаас хамаардаг.
#8 Хүмүүс амралтын өдрүүдээр хамгийн их салах шийдвэрийг гаргадаг.
#9 Салсан хосуудын 70.6 хувь нь эргэн хэзээ ч нийлэх хүсэлгүй байдаг.
#10 Судлаачид экстэйгээ эргэн нийлэх шийдвэр гаргахдаа дор хаяж нэг сар хүлээж, нухацтай бодохыг зөвлөдөг.
#11 Залуусын 58 хувь нь маш драматик, уйлаантай, эмх замбараагүй, онцгүй салалтыг туулсан байдаг.
#12 Судалгаанд оролцсон залуусын 64 хувь нь урт хугацааны үерхлээсээ салж үзсэн байдаг.
#13 Салалтын мэдээллээс үзвэл удаан хугацаанд хамт байсан хосууд салах магадлал хамгийн бага байдаг буюу богино хугацаанд хамт байсан хүмүүс хамгийн их салдаг.
#14 Чухал асуудлын талаар санал зөрөлддөг хосууд салах хамгийн их магадлалтай. Өдөр тутмын дадал, мөнгө, бэлгийн харилцаа, итгэл үнэмшил гэх мэт.
#15 Хүмүүсийн 57 хувь нь биечлэн уулзаж салдаг буюу үлдсэн хувь нь зурвасаар салахыг илүүд үздэг.
#16 Z үеийнхний 34 хувь нь зурвасаар салж үзсэн бол 55-аас дээш насныхны ердөө 3 хувь нь л зурвасаар салжээ.
#17 "Science Direct" сэтгүүлд нийтлэгдсэнээр жилд 100 сая, өдөрт 300 мянган гэр бүл салдаг. Албан ёсоор гэр бүл болоогүй хосуудын салалт тэгэхээр маш их бий...
